خل یلوت ابشــــوگ گلبک لیلته
یاجفن بجـــــــــــــفاک نایم لیلته
قصتی قصت قیـــــس فاگد لیلته
ساعه هیچ اوساعه انازع للمات
مره اهیج ابسبب بـعدک مره تین
عنب من بستانک احوی مره تین
من تمر من باب بیتــــی مره تین
مره احیـــه و مره اوصل للمات
انته اجمل شعر عندی منغزل
حبل ودی ابشوگ حبک منغزل
طول نبعت سای حسنک منغزل
تملک ارموش او عیونک قاتلات
جلیل شجیرات
من بــــاب اصدق ارد احـــــچی احچایــــات
و امسح فــــوگ خـــــدهه ابچفی دمعتـــهه
امی الگمـــر ماخـــذ منـــــهه لـون البــــی
و ســـــواد الیـــل نایم حــــدر شیلتــــــهه
گلب امی غمیـــــج ابغمــــگ بحــــــرانیل
وحمـــارالخجــل کله ابــــراس وجنتـــهه
یعنی امی بحــروالعفــــه عدهه اشطـوط
وعــرج گلب اسواحـــل شعـــرگذلتـــــهه
بیهه اشگد حزن من تحچی چن یعـگوب
وتبــــچی الیـــل کله ابصـــوت ونتــــهه
و اذا شافتـــنی مجبـــل تنـــزع الأحـزان
وعکس تنــگلب دمعــت شوگ عبرتهه
چن اسنــین مبـــعد عنهـــه مولحــظات
وتضـــل ترعش علی بصـــوت شفتـــهه
وگبل لایمهه اوصل واحب چفهه ابشوگ
اشوف ادمــوع عینی ارکضـــت باستهه
عنــــد امی المحبه ابـــگد ملــک قارون
و لا بلکون عفــــــه اتنـــوش عفتـــهه
امی اجنـــــه لاکــن بتـــــواضع دوم
وعین انــــاس حوله وغلـــط شافتـــهه
مو مرئـــا امی ما یشبــــهه کل انســـان
وحتی الیـــــل یتغـــطـــه ابعبــــایتـــهه
من گصتــــهه ماخـــذ نوره نجـــم الیــل
وحتی الغیــــم ماخــــذ لــون شیبتــــهه
امی اشـــــگد حنینه ابـــگد صبـر ایوب
ولوافـــدی العمرمــا جـــازی طیبتـــهه
ابحظن امی الغـــوافی اتبات سهرانات
و صرت شاعرابگد ما ایدی لمســـتهه
و بیت امـــن شعــــر دایـــــم اردد بیه
حــلوه اچلمــه لاکن مظن سمعتــــهه
غزل حبــــچ بانی عنـــدی منبات
وجنس خـدچ حالی طعمه منبات
عندی کل لیله اعلی زندچ منبات
اعدال عشرت عمرویه الحوریات
اشکثر سهرت لیالی و ما یمــــرهه انوم
وچنت یـــاهل و اریـــدن علبــــچی حیــه
ومن ابچی ابحظنـــهه اتلفنی حتی ارتاح
وتگلی البیـــــک یبنی امنلمــــرض بیه
وتلولیــــلی و تــــدگ علراس بلچفیـن
وتــــفدی الگلب نوبـه وتفــــدی اریـــه
عین امی قصیــــده و ارمــــش مــــوال
ومحــــبس ذهب فمهه وخدهه ابوذیـــه
ولون غربلتــــو کل نسوان هاذ الکون
ما تلـــگون مثل امی العربیـــــــــــــه
من کلمات الشاعر المبدع رمضان ابو حیدر العگیلی
علي سيف التجافي اعليش سليت
وانا ابفرگاک شبـه الـــعود سلیت
یطارش ما لحـگت الظعن سلیت
یــــــــــرد لو ما یرد خلی علیه
علی العموری
اکش عن لا گصـــــــر ویبــــــــان بردای
و افــــــــــــرع زود الاگی بغیض بردای
اعتقد مو قصدی اجـازی الطیب بردای
القصـــــد عـــن لایبین عــــــــــوز بیه
عادل صخراوی
ومن یگعد ابین اناس یسحگ فوگ وجدانه
چثیره اصبحت هیچ ارجال منهم روحی ملیانه
حچایت باطل سموهه
عیب اعله رجل ینگال گص ابزوره بین اناس
هذا ایضل یخی مظموم یتسمه اباسم علاس
خل خوتک ثمینه اتکون مثل حسین وی عباس
واحد لثانی ایدر غیره
ک.علی النیسی
| جواب القلم(ابوامجد الحیدری) |
 |
 |
 |
| الكاتب مدیر الموقع |
| الثلاثاء, 04 سبتمبر 2012 06:54 |
|
