آنه ابن الیخلف سـيف يشـرب دم لصول الدين

وآنه ابن اليشگ الماي لو حط بخته بل سچين

ابوي آنه اليوازي الموت وناضل گد الثمانين

هوس للــطوب آنه امعيــدي

***

عنـدک من يصيــر اوليـد ياخـي علمه بالوحـدة

او گله ابقلم ياخذ ثار ناس الضـحت ابحـده

لايعشـگ فتـن واموال لمـن يوصـل الحـده

کل يعرب خوته ايـسمـيـهـه

***

آخ ياناس العـفيـفـه اشلون سکـتت عالظلم

وگامت البـومـه ابســلفنه اعلی الصگر تحکم حـکم

اي وحگ الله ونـبـيـنـه الذنب مو ذنب الخصـم

اعضيدي الکثــر لدغاته

***

امن الصغـر للضیـم رابي او حزني هزالـي المهد

او من کبرت الواوي شفته ابهـالسـلف صاير أسـد

ثمر الغـيـبـاني برحي والوکت دار او أضد

والفـتـنـي امعـيـد بالثـاية

الشاعر سعید ابشاره العموري

۞ هوسات مرسله

مضيف أهلي العرب ثابت ماکو امضيف بمثاله

او من تگعد أهل نخواي اشوف امخدره ادلاله

ترطن رنت الفنیان لو صار العربي شياله

                         يامحله امضيف اهل الغيره

الشاعر ایاد الفرحانی

ادامه نوشته

 

هلی ملبسهــــــم الدیباج وشال

 

عرب وتلایم المفتـــوگ وشال

 

هلی لطاح حمله اتعین وشال

 

هلی بحگوگهـــــم قرت عدا

 

 

 

 

ناصر الحجی یبر الزرگانی

گعدو اکبارات امیه و صارت الهم مشوره

فارس ابگوم الحسین ابلقب سبع الگنطره

ایقدم الشط ایتحلف لختـــــه مثل الحیدره

من شال الخیبر لل هادی

عمر ابن سعد ایتلفت لل گمــــــــــر یطلب جبیل

شاف زلمه ابگومه مامن ینتخی ایلاگی الکفیل

لحظه لن مـــــــارد تحزم باچر اصیاح الدخیل

یوصلک من طبرت سیفی

یمارد منـــــــــک الحضار گله ابهای مدیونه

چیه باچر ترد عبـــــاس جثه ابظهر میمونه

بس ابهای ارید اوصیک لتحط عین بعیونه

چیه ملک الموت ابخزراته

جـــفن ماطبگله مـــــــارد سهر لیله او ماقفه

طلع صوب الگمــــر مارد ونطه للعسکر گفه

شعره موخاطی الی گله او عمر زین اموصفه

چیه سهون حط عین ابعینه

زمخ عل مارد العباس کظ الخوف رجلینه

چبیرک ما عرف یوصیک لتحط عینک ابعینه

من لحت ابظهر عشمای تدری اشطلبت اسکینه

عباس المارد گص راسه

گله فلتات اللسان الخلن ایــــزامط عمر

اوگتله عد عیناک باچر آنه چتال الگمر

بعد ما خلا یکمل شافـــــــو المارد حمر

من دم الطایح من راسه

اربعتکم گعدو یمی ابصوت تنخــــه ام البنین

ابوگفه یم احسین احلل تعبی کل های السنین

بیضو وجهی ابهای اریدن یم امیر المومنین

و الزهره اتبشر وفیتی

اربعتکم هـــــــــــــدو اریدن مثله هدت الاربعه

او جیبو ابشاره الحسین انفتحت النه المشرعه

گطعو اصفـــوف القیاده ابشکل گمطه الگطعه

عباس الزینب بصیاره

نظر نظریت اربعتکم کله لعیـــــــون الاخو

اومایوافی ابوعده اسئل للی خاله امنل بدو

احسین اریدنه ابوفاکم کونک ایسولف لبو

هدتک من هدو راوهه

باچر اصوات الحرایب بذنی بطف لودوه

ابرخصه من احسین کلکم طلعو لعداکم سوه

اوصیه لازمه الی عندی اللیله وای راعی اللوه

لو دمک لو مای اسکینه

بره امنل خیم عبــــاس غاب الوحده بظلمه

کتبهه اعلا العبــــاس وصیت ام البنین امه

ویعاین المهره اشلون باچر کونک ایظلمه

من کثر الهده ایشل حاله

صار الصبح و العباس صاح الیکض جدامی

اگله اسیف الف مرات منی الهل حرب ضامی

او زینب صاحت العبـاس ثلث تیام بصیامی

بس افطر من مای الشاطی

 جاسم ابن اغلامعلی الحمیداوی

قصیدة فی شجاعه العباس(ع)للشاعر ملاغلام ابومحمد

 فی شجاعه العباس(ع)

 

یم خـــــــیمة الحــــــــرّه الأسد     عــــــــباس نوّخ ناگـــــــــته

من شاف لون اخته انخطف     واســـــــــمع یکافـــــل نادته

آنه المــــــــــــصونه وبت علی      الّاشـــــــــهم غـــــیره ولافته

البوجوده ما مرنی الهـــــظم       محـــــشومه عشت ابشارته

ولمن طلــــــعت من الوطن      یالشـــــــــــلت بیدک رایته

ابشیمتک وانته ابن الفحل      والــــــبین خلّه اشــــــــما فته

خوفی من اظل امـحــــــیّره      ویهــــــجم الجــــــیش ابغارته

وتدرینی ما أحــــــمل أذی      وشخصک رگه اعله اخیـالته

ولمن سمعها ابن الـــــــوصی      هاجت حمـــــــــــیته وغیرته

وبیّن وسط عــینه الغضب       گلــــــــها یحرّه وسمـــــــعته

عبـــــاس حی بعده وعدل       وایفـــــــور عزمه ابهــــــمّته

و لو مرّه مر بیچ الهــــظم       بجدامی تصـــــــبح رکّـــــته

وانتی ابقلق یخت البـــطل       یخت الگـــــــــمر وابشیمته

لا والله مو عـــودی علی      ولا نی الغیور ابنــــــــــخوته

لو ما أسوّی الطف سقر       والدّنی اقـــــــذفته ابلـــهوته

ولو ما اسوّی الشط حمر     والروس عـــــــــثره ابروجته

ولو ما اسوّی الـــــدم بحر      تســـــبح جــــثثها ابسورته

ولو ما اسوّی الجــــو غبر      ینـــــکت عجاج ابمــــــــطرته

ولو ما اراویها الــــــــــقهر      والـــــــــذل اردّه الجــــــیمته

ابسیف الیـــــعیّد بالحرب     صـــــارمی التکتل لمــــــــعته

وافـــــنیها بچفوف الضرب    والجـــــــــــــــیش اردّه الذلّته

وعندی یزینب مو صعب        اگــــــلب وغاها  وحومته

ای وحگ کشّاف الکرب       عودی وحمـــــلته و وگفته

وصوّل علی الجیمه وهــتف       عبّاس والـــــــبس لامـــته

وصاح العذاب ابصـــارمی       وینزل ابسورة شـــــــــفرته

وهبّطت هام المــــــوزمه        العزمه وفلا طخ هامـــــته

ودرکل الکلفه الـــــبالوغه        طبعه و مهـــــــنته وعادته

وحنظل غده ابریج الکفر       وارتوی الجــــــیش امرارته

وعاصفه وهبّت وگـــــفته       والعـــــــــــزّه لا ما فاتـــــته

واطواها چن طی السجل     واغــتاظ خلـــــصت طاگته

ومن ذبها بعــــیون الرحی      افترّت ابچـــــــفّه وخـــزرته

چن عوده حمّـــــای الحمه      عزمه وصــــــموده و وگفته

هد ما هدء ضـــــیغم وکر      من کر فنــــــــــاها ابحملته

ویسمـــــعها بالردّه اتهتف      غــــــــــــــــیرة ابوه ابگصّته

کلمات مله غلام ابومحمد